Ubicado na Comarca do Condado do Tea, o concello ten unha extensión de 62 Km² e está constituído por 17 parroquias, con case 9.000 habitantes.

  O territorio municipal mantén unha altitude case constante de 100 metros sobre o nivel do mar, sendo escasas as elevacións que superen os 300 metros. Debido á súa clara exposición ao sur e ao abrigo do norte, Salvaterra de Miño, desfruta dun microclima excepcional, denominadao subhúmido de tendencia atlántica e caracterizado por temperaturas suaves e abundantes precipitacións concentradas nos meses de outono e primaveira.

  O seu relevo chan e a abundancia de auga únense ao seu especial microclima para convertir a todo o concello nunha envexable horta na que predominan extensas plantacións vitivinícolas e hortícolas. A elo contribúen os seus cinco ríos: Uma, Tea, Caselas, Mendo e por suposto o pai Miño.